【轮证赢家】等下周四中全会?

浏览量:501 点赞:625 收藏:472 2020-06-13

【轮证赢家】等下周四中全会?放大图片

噚日出咗去湾仔一趟,返到公司果然下昼3点几,嗰时仲有唔够一个钟就收市,坦白讲都无乜点睇,拿拿声做埋手头上啲嘢,然后收工闪人。

今朝起身唔知做乜个人晕晕地,由房走去厨房谂住煲水沖咖啡都行唔到直线,我家老爷随后起身见到我咁,问我有无事;本能反应答咗佢一句:我无醉,佢笑到痴呆。BTW,我其实应该估计只係瞓少咗一粒钟,well,我滴酒不沾的(可惜无人信)。

恒指做完U盘时我仲喺巴士度,见恒指开市只係微跌2点,开市报26795点;到依家9点59分,恒指再见跌势,依家跌紧131,做紧26666点,低位暂时做过26633点,10天线(26680点)仲守唔守到就睇今日啲资金嘅造化啦。

开恒指牛熊证街货图睇吓先,好似成日都未睇过咁滞,见到牛证新增咗26500至26599点呢一层,不过就只有相当于38张期指嘅街货,而再落多一层,即26400至26499点呢度,就有相当于549张期指,算叫做多啲街货啦;至于重货区就仲係喺25200至25299点,懒死唔走嘅有662张期指街货。

到熊证区啦,最贴价仍然係26800至26899点,呢度有相当于251张期指,再上多一层26900到26999点,呢度就有相当于335张期指。至于重货区就係27000至27099点,终于见到过千张期指街货层出现啦!

有趣嘅係,将牛熊两边最贴价嗰两层街货各自加埋个总数出嚟,即牛证区就有(38+549)=587;而熊证区就有(251+335)=586。两边相当于期指张数嘅街货只係相差一张咁大把,有无咁啱得咁桥先?

依家10点7分,恒指跌幅略为收窄,做紧26673点,跌124点;牛熊街货中间位就係(26800+26599)/2=26699.5点,同现价只係争26.5点。

恒指企牛熊街货中间位附近,两边首两层嘅街货又係差唔多,最多要斗嘅就係若然再比多100点上行嘅话,大市就可以将27000至27099点嗰1074张期指全数消灭,不过讲紧要大市由依家开始向上反弹426点先食得晒。再望望月曆,下个星期一至四(10月28日至31日)就係第19届四中全会,内容都係离不开第14个「5年规划」嘅推进、可能又会讲吓香港嘅问题,亦有新闻传话有国家主席习近平嘅班接人亮相。咁大摊经济会议喺下个星期开始,怪不得到依家个市都未有咩大变化啦,观望气氛好浓厚;再加上喺日线图上画到一支「小旗形」出嚟,都係下昼再睇吓个市发生咩事再作决定。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

上一篇: 下一篇:

相关推荐


申博77|提供前沿服饰|专注于提供本地生活|标记我的生活|网站地图 申博菲利宾桌面安装版 申博360网址